Une siore intimpade di Udin e jere stade di pôc fraudade di une cubie di feminis che a dopravin il metodi dal carabinîrs fals, ma è à daurman clamât i carabinîrs che no àn pierdût timp.
Il fat al è sucedût ai 7 di Setembar passat ma al è stât pandût dome vuê: i carabinîrs a àn rivât in tal zîr di pôc a capî cun cuale auto lis dôs malvivents a jerin rivadis in citât e di ce bande che a jerin ladis vie. A àn cussì rivât a scuvierzi che une di lôr e veve cjapât il tren bande Vignesie inte stazion di Monfalcon e a àn clamât daurman i agjents de Polfer di Vignesie – Mestre che a àn individuât la femine propit inte stazion di Mestre e a blocâle prime che e cjapàs un tren bande Napoli.
Intant i carabinîrs a pensavin a blocâ in Friûl chê e klave ator cu la machine.
Dutis lis zoiis puartadis vie ae vitime e platadis des dôs fraudadoris, a son stadis cjatadis e tornadis indaûr ae parone. (a.d.g.) – 24.09.2026
