Coltivâ la diversitât biologjiche par promovi lis relazions umanis, dismantelant butant jù dutis lis barieris de etât. La fase finâl di “Cambiare le storie”, Cambià lis storiis, il program anuâl di inclusion e rigjenerazion locâl promovût di Damatrà Onlus, e scomence sabide ai 26, a tacâ des 10 di buinore fint a Misdì e mieç. tal zardin e tai spazis de Cjase di Catine a Vilalte di Feagne, che e deventarà il cûr dal “Fieste de Sierade” cul scambi di semencis e plantis. Un event grant e libar che al è viert a grancj, piçui,, fameis e colezioniscj. La iniziative e siere i seminaris e i events fats vie pal timp, creant un leam jenfri lis gjenerazions pe gjestion de tiere. La fuarce de Fieste de Sierade si cjate tal fat che e je buine di tirâ dongje gjenerazions diferentis: dute la comunitât, dai colezioniscj esperts di varietâts botanichis storichis fint ai fruts e aes fameis che a vuelin riscuvierzi il valôr di coltivâ ce che a mangjin. Un incuintri che al devente propit un rituâl sociâl e un spazi di confront e discussion, là che si pues scambiâ semencis, cjacarâ e cjatâ gnûfs amîs. (A.I.) – 25.09.2026
Foto Pastorutti-Durigatto
