Tentât omicidi, ricors cuintri de custodie cautelâr in preson

L’avocat difensôr di Agostino Novo, il militâr che dôs setemanis indaûr, tal tribunâl di Udin, al veve dât cuintri ae femine che une volte e viveve cun lui intant che il judiç al stave leint la sentence, al à presentât ricors al tribunâl de libertât cuintri de custodie cautelâr dentri de preson pal so client che al è indagât par omicidi tentât.

L’avocat Igor Cigliani al à impugnât il toc di ordenance dal Judiç pes indagjins preliminârs di Udin indulà che a jerin stâts lassâts fûr i arescj domiciliârs di lui domandâts dilunc de udience di convalide dal arest. La decision dal riesam, che al à 10 dîs par decidi, e je spietade tai dîs a vignî. (a.d.g.) – 23.09.2026