In ocasion di “Gusti di Frontiere 2026”, la ERPAC, la Agjenzie Regjonâl pal Patrimoni Culturâl dal Friûl-Vignesie Julie, e ufrîs un program speciâl dedicât ae mostre “Italie Setante”, dedicade a “Art Mode e Dissen” tal Palaç Attems Petzenstein a Gurize, vierte al public fin tai 29 di Novembar. Il museu al ufrirà un orari oraris di viertidure speciâi: di joibe ai 24 e fint a sabide ai 26, des 9 di buinore aes 11 di sere, intant che domenie si siere aes 7 sot sere. Il program dai events al scomence za joibe ai 24 di Setembar aes 8 e mieze sot sere cuntun spetacul di DJ dedicât ae musiche dai agns Setante par cure di Event4you, intant che vinars e sarà la volte di “Settanta giri in Vinile” (Setante zîrs in vinîl), curât di Renato Pontoni. Joibe e vinars, il public al varâ ancje la pussibilitât di esplorâ la mostre in mût plui font cun dôs visitis vuidadis cence sore nuie. L’ERPAC al darà ancje la pussibilitât di jentrâ cence sore nuie tai altris edificis dai Museus Provinciâi di Gurize: il Museu de Vuere Grande e il Museu de Mode e des Arts Aplicadis e ancje chel di Gardiscje. (A.I.) – 23.09.2026
Foto di I. Tassini
