Gurize, un mosaic di savôrs

Passe 300 stand e 17 “borcs” a son i prins numars de vincjesime prime edizion di “Gusti di Frontiera”, savôrs di frontiere, che di joibe ai 24 a fint a domenie ai 27 al mudarà lis stradis e lis placis di Gurize creant une grande gjeografie dai savôrs tal cûr da citât. La viertidure uficiâl de gnove edizion e je programade joibe ai 24 aes 6 di dopomisdì te place Vitorie, denant dal stand di “Io Sono Friuli Venezie Giulie”. Il viaç in cetancj paîs diferents di “Gusti di Frontiere” al scomence cul “Borgo Italia”, dulà che la ricjece de cusine nazionâl e cjape forme intun mosaic di tradizions regjonâls, e al va indevant cul “Borgo Friuli Venezia Giulie”, dulà che i miôr prodots da citât a son centrâi. Po dopo, a saran i borcs dedicâts ae Europe Centrâl, ae Slovenie e ai Balcans”, il “Piçul marcjât dai savôrs”, il borc dal mâr, chel de France e chel dedicât ae Europe dal Nord. Daspò di chei, dut il rest dal mont: Americhis, Americhe Larine, Australie e ancje il borc “Borderless”, cence confins, inmaneât cul Comun di Gnove Gurize tal ricuart de capitâl europeane de culture 2025. Une schirie di events secondaris si davuelzaran vie pai cuatri dîs: dutis lis informazions si cjatin in rêt su: www.gustidifrontiera.it (A.I.) – 23.09.2026