Vertence Electrolux, rivade la convocazion al ministeri par sindicâts e aziende

E je stade notificade vuê di matine la convocazion de taule su la vertence Electrolux, li dal Ministeri des Impresis e dal Made in Italy, ai 5 di Otubar a Rome.

A pandi la gnove i sindicâts. L’apontament al è stât previodût pes 10 di matine, tal palaç dal ministeri. L’incuintri al jere stât preanunziât propit îr dal ministri Adolfo Urso. (a.d.g.) – 22.09.2026