Dôs sunadoris une vore zovinis che a àn vinçût lis ultimis edizions resintis dal Concors internazionâl “Piccolo Violino Magico”, il Piçul violin magjic, inmaneât a S. Vît dal Tiliment de bande de Academie Arrigoni di passe dîs agns dedicât ai musiciscj zovins fint ai 13 agns, a son al centri di doi events prestigjôs in regjon. “Il talent dai zovins” al è il titul dai concierts che a viodaran sul palc dôs sunadoris di talent: Armai Mio, vincidore tal 2023, e Choi Soojin, che e à vinçût tal 2025. Lis dôs, za premiadis e ricognossudis a nivel internazionâl, a àn sielt di sunâ repertoris di grande maturitât e cuntune tecniche fine, compagnadis de orchestre de Academie di arcs “Arrigoni” direte di Domenico Mason, il diretôr artistic de Academie. Il conciert al sarà presentât miercus ai 23 aes 8 e 45 so t sere tal Auditorium “Burovich” di Siest e joibe ai 24 li de Cavallerizza, il gnûf spazi culturâl creatîf nassût a Udin. (A.I.) – 22.09.2026
Foto di E. Falaschi
