A Tarcint la Supercope di balon

Miercus ai 23, aes 8 e mieze sot sere, sul cjamp di Tarcint si fasarà biadelore – daspò dal brut timp di cualchi dì indaûr che al veve conseât di rimandâ l’event – la finâl di Supercope CreditFriuli-Aclif Assemblee dai Comuns di Lenghe Furlane. L’avigniment, a jentrade libare cence sore nuie, al segne il principi uficiâl de stagjon invernâl FIGC FVJ 2026/2027. A contindi il prin trofeu dal gnûf an sportîf a saran doi des realtâts plui vivarosis dal panorame dal balon furlan, prontis a frontâsi intun incuintri di nivel tecnic cetant alt pe categorie: il Colorêt, vincidôr de Cope Friûl, e il Buri, che al à a pene concuistât la Cope Regjon di Tierce Categorie. Di là dal trofeu uficiâl, la pueste in pali e spieghe ad in plen la convivialitât e la identitât furlane dal avigniment: la scuadre vincidore si puartarà di fat un persut crût Bagatto e un fust di bire artesanâl Furlan Beer. (A.I.) – 22.09.2026