La viertidure dal grant puarton di ingrès dal cjistiel di Colorêt di Montalban, fate sabide ai 19 di Setembar, e à sierât la ricostruzion daspò dal taramot che al veve fiscât il Friûl mieç secul indaûr.
Ae cerimonie de scree de Ale Nievo a jerin presints cetantis autoritâts, tacant dal president de Regjon Massimiliano Fedriga e dal ministri pai Rapuarts cul Parlament Luca Ciriani, di la di une vore di components de Zonte e dal Consei regjonâl, dai cjâfs de Comunitât culinâr e di cetancj sindics dal teritori.
Dilunc de cerimonie e je stade visade la storie dal cjistiel che al fo tacât ea jessi fat su ai 4 di Dicembar dal 1302. Pe ocasion al è ancje stât mostrât un toc dal documentari “La vôs des pieris” di Simone Vrech, cu la conte di Massimo Somaglino.
Il complès, dome tal toc che al è stât recuperât de Regjon, al à 7.300 metris cuadris di spazi e un volum di passe 40 mil metris cubis, cun 193 stanziis, 220 puartis e 175 barcons. A àn lavorât tal cantîr 198 tra professioniscj e referents dai ents cjapâts dentri cun passe 40 operaris presints in medie. (a.d.g.) – 21.09.2026
