Un lunc e vivarôs al à dât acet îr sot sere a Pordenon, fûr dal Teatri Verdi al president de Republiche, Sergio Mattarella. Tant afiet ancje dentri de sale, indulà che Mattarella al à cjapât la onorificence “Ambassador of freedom” dilunc de cerimonie finâl di Pordenonelegge.
Tal so intervent, Mattarella al à visat che, daspò de ditature e de vuere, e je stade la schede eletorâl clamade “arme disarmade dal confront legjitim” a fâ lâ indenant la Italie.
Il Cjâf dal Stât al à daspò visât che la bataie a pro dai dirits no je finide e al à visât dai dissidents, dai scritôr perseguitâts e des feminis cence libertât ator pal mont.
Un pinsîr particolâr Mattarella lu à risiervât ai lavoradôrs de Electrolux di Purcie “impegnâts – al à dit – te difese de lôr identitât”. (a.d.g.) – 21.09.2026
