L’Assessôr regjonâl aes Infrastruturis, Cristina Amirante, e à presentât vuê ae Zonte regjonâl il bant regjonâl previodût de leç regjonâl 8 dal 2025 aprovât in vie preliminâr dal Esecutîf.
“Il bant al met a disposizion des impresis 6 milions di euros tal 2027– e à visât Amirante – par recuperâ e meti a puest il patrimoni imobiliâr de nestre regjon in maniere di favorî la rigjenerazion urbane e slargjant la ufierte di lozaments. La misure e sosten il tornâ a doprâ i edificis e e acompagne i invistiments bande dal miorament energjetic e ae sigurece dai edificis.
L’obietîf al è chel di tornâ a meti sul marcjât imobii za presints e dâ gnovis oportunitâts abitativis ancje par cui che al rive inte nestre regjon par lavorâ o par studiâ. Il sisteme che o vin preparât al valorize i intervents a pro de sigurece sismiche, de acessibilitât, dal miorament energjetic e de destinazion dai lozaments a lavoradôrs e students”. (a.d.g.) – 18.09.2026
