Il proviodiment al è stât presentât dal Assessôr regjonâl ae Istruzion, Alessia Rosolen, intant che e spleave il decret che al assegne ai Comuns risorsis par sostignî i servizis integrâts pal an scolastic 2027-2028.
“A son 55 i Comuns cjâf file ametûts ai finanziaments regjonâi par sostignî il pre acet e daspò de scuele a timp integrât tal dopomisdì. Si trate di un altri tassel metût in pîts par garantî la poie al sisteme scolastic e integrâ timps di conciliazion pes fameis.
Pe prime volte tal an scolastic 2026/2027, la Regjon e met a disposizion 2 milions di euros pai Comuns par dâ une poie ai servizis integrâts, par completâ la ufierte de scuele de infanzie, des primariis e des secondariis di prin grât, statâls e paritaris”. (a.d.g.) -18.09.2026
