47
La fantate di cuindis agns che e jere scjampade dal ospedâl di Udin vinars sot sere ai 11 di Setembar e je stade cjatade. La gnove e je rivade vuê sot sere propit sul profîl Instagram viert par judâ a cjatâle.
No son claris dal dut lis circostancis di ce che al è sucedût, ma al somee che a viodi la zovine a sedin stâts i carabinîrs, tant che Martina e je stade puartade dentri dal Comant provinciâl a Udin, in spiete che e rivàs sô mari. La gnove si è pandude intun lamp ancje sui Social gjavant vie il pinsîr de famee e de comunitât pe fantate che no si saveve nuie di je. (a.d.g.) – 16.09.2026
