Une zornade par memoreâ il cjamp di concentrament di Gonârs

Lûcs che a conservin i ricuarts, là che la storie e à lassât feridis profondis e dulà che vuê ogni mot al devente un at di cure e di consolazion. Sabide ai 12, a Gonârs al è in program dut un dopomisdì in lûcs segnâts de storie de Resistence e de deportazion, par tornâ a dâ vôs a chei che no son stâts scoltâts par masse timp. “Vôs dismenteadis dai internâts slovens e cravuats tal cjamp di concentrament fassist n. 89” al scomence cuntune cerimonie tai lûcs simbolics da resistence de zone. Une rapresentazion artistiche par cure di The Lab Collettivo Contemporaneo, cu la balerine Alice Parovel, e vierzarà la cerimonie di scree de sculture “Oltre al guscio” dal artist Devid Strussiat. Pai sierâ, Martina Delpiccolo e Fabiano Fantini, compagnâts di Sebastiano Zorza ae armoniche, a fasaran la leture seniche “Gocciola nelle baracche il giorno”: letaris, testemoneancis e documents par dâ vôs ai internâts. (A.I.) – 11.09.2026