Zîr de Italie di ciclisim: la regjon e fâs il plen

Tal auditorium Parc de Musiche di Rome dedicât a “Ennio Morricone” al è stât pandût il percors dal Zîr de Italie di ciclisim dal 2027, la edizion numar 110. La gare si sierarà ancjemò une volte te capitâl taliane, ma tacant di Triest, 46 agns daspò de prove di sîs chilometris vinçude dal norvegjês Knut Knudsen. No sarà la uniche tape di chest an de seconde gare di ciclisim plui grande dal mont. Dopo de prime frazion di sabide ai 8 a Triest, indevant e indaûr in Slovenie e un percors che al à ancjemò di jessi fissât, la seconde e scomençarà in Slovenie, di Lubiane, cu la sperance che al torni ancje il campion di cjase Tadej Pogačar. Ai 10 di Mai, pe tierce tape, si tache di Çarvignan in direzion di Possagno, il lûc di nassite dal scultôr Antonio Canova, par memoreâ i 270 agns de sô nassite. La ultime maiute colôr di rose e sarà assegnade sabide ai 29 di Mai, ae fin de tape di Pordenon fint al Çoncolan, une altre volte une frazion decisive dal Zîr (lant su cheste volte de bande di Davâr. Pordenon, la citât taliane de culture 2027, e varâ si che duncje une partence di tape, ma il dì prime la corse e larà di Rovereto in Trentin e fint a Sacîl. (A.I.) – 03.11.2026