Daspò dal sucès cu la “Anatra all’arancia ” de stagjon passade, Emilio Solfrizzi al torne tal Teatri gnûf “Giovanni da Udine”, cheste volte cul so ultin spetacul, “Falstaff. L’arte di farla franca”, la art di fâle francje, in sene di martars ai 3 e fint a joibe ai 5 di Novembar, dentri dal program di prose firmât dal diretôr artistic Roberto Valerio e produsût cul supuart de Fondazione Friuli. Miercus ai 4 di Novembar aes cinc e mieze di dopomisdì, Emilio Solfrizzi e la sô compagnie a cjataran il public te “Casa Teatro”. Il spetacul al è une riscriture contemporanie libare des “Feminis legris di Windsor” di William Shakespeare e dal “Don Giovanni” di Molière, doi grancj archetips teatrâi che si unissin intune figure uniche: chê dal om che al vîf dome cu lis peraulis, la seduzion e lis bausiis, intune comedie sul podê de peraule e dal ingjan tant che lengaç dal Mont. (A.I.) – 02.11.2026
Foto di R. Bagnoli
