Pasolini, une celebrazion di là des datis

Cincuante e un agns daspò de muart tragjiche dal inteletuâl e poete, lunis ai 2 di Novembar, a Cjasarse al è stât memoreât Pier Paolo Pasolini inte sô tombe tal cimitieri dal paîs, cuntune cerimonie inmaneade dal Comun in colaborazion cul Centri di Studis dedicât a lui. A rapresentâ la aministrazion comunâl la conseîr Paola Zia, pal centri studis “Pasolini” il president Marco Salvadori, il conseîr Markus Maurmair de Regjon F-Vj e i rapresentants des citâts dongje, ma ancje Elio Ciol, un innomenât fotograf e amì dal inteletuâl. “Pasolini – al à dit il president dal centri fondât intal so non, nol è dome che une figure de memorie, ni un autôr di celebrâ nome traviers dai aniversaris. Al è une vôs che e continue a stiçâ, a meti in dubi lis nestris sigurecis, a interpretâ lis trasformazions de societât, a denunziâ lis sôs contradizions”. (A.I.) – 02.11.2026