Blancs e neris in ritîr di lunis, dai 17 in Carinzie

L’Udin al tache la gnove stagjon lunis ai 10 tal stadi Friuli, dulà che si tignarà la prime part de preparazion fint ai 16, cul gnûf responsabil Antonio Bovenzi e il “mental coach”, ven a stâi l’alenadôr dal cjâf – novitât dal an – Eugenio Vassalle. Po dopo, lant daûr de tradizion, si va su in mont: ancjemò une volte in Austrie, dai 17 al 29 a Bad Kleinkirhheim, a pocjis desenis di chilometris di Villach. In program ancje une schirie di partidis amichevulis: une a Udin cuintri la rapresentative diletants, chês altris in Carinzie: ai 19 di Lui cuintri une scuadre de zone, il 22 cuintri il Paphos, il 25 il Red Bull, il 29 la Union Berlin. Ai prins di Avost e podarès jessi ancje une altre partide al stadi ‘Friuli’ . (A.I.) – 06.07.2023