“More than Jazz”, anteprime cuntune stele serbe

L’Istât nol è ancjemò rivât e, cun chest, une des rassegnis jazz, ma no dome, plui spietadis in Friûl. Ancje chest an al torne “More Than Jazz”, il festival inmaneât di SimulArte. In spiete de seste edizion, vinars ai 3 intal Auditorium “Pigani” di Reane dal Roiâl e je in program une des anteprimis: il conciert dal pluripremiât baterist di origjin serbe Dejan Terzić. Il jazzist al presentarà il so secont album, publicât cu la etichete Cam Jazz e intitulât “Silent Dancer”, regjistrât di Stefano Amerio intai siei studis “Artesuono” a Cjavalì, cu la produzion artistiche di Ermanno Basso. Sul palc ancje Axiom, la band che e compagne il baterist in maniere stabile intal so percors artistic. (A.I.) – 02.05.2024