Il furlan Piero Petrucco ae vuide de Federazion europeane dai costrutôrs

Piero Petrucco al è stât nomenât gnûf president de Fiec (Federazione europea dei costruttori). E je la prime volte che un imprenditôr furlan al rive a une posizion tant alte intai organisims rapresentatîfs di categorie.

L’insediament uficiâl al è stât fat vuê a Bruxelles, dilunc de assemblee de Federazion europeane che e met adun 32 federazions di 27 Paîs europeans, cun plui di trê milions di impresis e 12 milions di lavoradôrs, che e rapresente il 10% dal Pil de Ue.

Petrucco al jere stât elet intal comitât diretîf di Fiec tal Dicembar dal 2019 cu la deleghe ae sostignibilitât e ae competitivitât e al cjape il puest dal irlandês Philip Crampton. Al vuidarà la Federazion fin al 2026. (a.d.g.) – 16.05.2024