Cjapâts dai carabinîrs i trê rapinadôrs di une femine ucraine a Sacîl

I carabinîrs di Sacîl a àn cjatât e blocât i agressôrs di une femine ucraine di 52 agns che, ai 26 di Otubar dal 2023, in Largo Claudio Monteverdi, e jere stade pacade par puartâi vie robe.

I delincuents a son stâts cjatâts controlant videos des telecjamaris di control e scoltant lis testemoneancis dai citadins. Si trate di un om di 35 agns di Gaiarine, di un om di 52 di Cenede (Vittorio Veneto) e di un om di 53 di Farra di Soligo: ducj i trê a son acusâts di concors in tentade rapine e in lesions personâls cu la agravante di vê fat dut cu la muse platade. Un di lôr si cjate cumò ai arescj domiciliârs cun oblic di braçalet eletronic, chel altri in preson a Trevîs. Il tierç al è stât invezit denunziât. (a.d.g.) – 02.05.2024