Vasco a Udin pe fin di Jugn, ma dal 2026

Daspò di cuante agns di cariere, al è ancjemò ator a sunâ e chest àn al à tacât a Bibione, fasint cuasi 60 mil spetatôrs, prime dai 72 mil di Turin, i 77 mil di Bologne e i 130 mil di Florence. Vasco Rossi nol à par nuie che di molâ, anzit: pal an che al ven al à za programât un gnûf tour tai stadis. Ai 28 e ai 29 di Jugn – dal 2026! – al sarà ancjemò un volte te nestre regjon, daspò di siet agns, par dôs datis tal BluEnergy Stadium di Udine, inmaneadis di Live Nation Italia cun FVG Music Live e VignaPR, in colaborazion cun PromoTurismoFVG, il Comun di Udin e Udinese Calcio. I biliets a saran za in vendite a tacâ di vinars ai 13, daspò de 1 di dopomisdì. (A.I.) – 12.06.2025