La vôs di une femine dal popûl te fabriche di Rude

Une ocasion risiervade par pôcs, no plui di trente par volte, martars ai 13 e miercus ai 14 di Mai li de Amidarie “Chiozza” di Parteulis di Rude, par viodi aes 9 sot sere la leture seniche “Amìda, dôs maris e une fabriche”, voltade in furlan di Carlo Tolazzi dal so test par talian dedicât ae storie dal lûc. La presentazion in forme di leture seniche, te suaze de “Setemane de culture furlane” inmaneade de Societât Filologjiche Furlane, e je par cure di une des plui preseadis atoris de regjon, Aida Talliente, in graciis de sinergjie jenfri la associazion Amideria Chiozza ODV, il Teatri Stabil Furlan e la ospitalitât dal Comun di Rude. La narazion e je la vôs d une femine dal popul, Amìda, che e à vivût dute la storie de fabriche dal dentri: i cambiaments, lis trasformazions, il passaç de grane storie su la piçule storie di une comunitât. (A.I.) – 12.05.2025