La television cuant che al jere il Quartetto Cetra

La stagjon artistiche dal Teatri comunâl di Cormons, inmaneade di ArtistiAssociati, e sarà screade martars ai 14 cuntun spetacul musicâl divertent: “Cetra… una volta” scrit di Toni Fornari e pe regjie di Augusto Fornari. Al è un conciert spetacul che al vûl jessi un tribût al cuartet plui celebri dal palc e de television taliane dai agns ’40 fint ai agns ’80: il Quartetto Cetra. Sul palc il tercet vocâl formât di Stefano Fresi, Toni Fornari e Emanuela Fresi che, fin dal principi de lôr cariere, si son ispirâts al Quartetto Cetrs, ricalcant il stîl particolâr, comic e parodistic, di un grup mitic de storie de television e dal teatri talian. (A.I.) – 13.11.2023