La storie di Nazario Sauro e devente un cine

A son scomençadis di un pâr di dîs a Triest e a laran indevant fint ai 24 di Otubar ancje in altris puescj dal Friûl-Vigmesie Julie lis ripresis dal cine pe television “Storia di un marinaio. L’incredibile epopea di Nazario Sauro” (Storie di un marinâr. La epopee di no crodi di Nazario Sauro), cu la regjie di Alessandro Angelini. La pelicule e conte la storie personâl e umane di Nazario Sauro te suaze de Prime vuere mondiâl: un marinâr istrian e iredentist che al jere passât de bande de Italie e al veve partecipât a une mission une vore pericolose pilotant un sotmarin intes aghis dal Imperi austroongjarês. Il procès che al è vignût dopo dal so arest al ricostruìs la sô vite: il so amôr par Caterina Steffè e i lôr fîs, la sô fughe di Cjaudistrie e la sô sielte radicâl di sintîsi talian ancje a risi de sô vite. Prodot cul supuart de F-Vj Film Commission – PromoTurismoFVG, il cine al à tant che protagonist Leo Gassmann, innomenât atôr e cjantautôr talian. (A.I.) – 30.09.2026