Curts cence confin: 149 domandis par 5 produzions

Un sucès di là di chel che si spietavisi par “Corti senza confine” (Curts cence confin), un dai progjets dal program di produzions par “GO!2025”. A son 149 i progjets rivâts di cetancj Paîs europeans: Italie, Slovenie, Spagne, Gjermanie, Irlande, Norvegje, dome par citâ un pôcs. La jurie incargade di valutâ i progjets e sarà vuidade di Gabriele Salvatores e componude di tecnics e esperts cinematografics. Ai cinc curtmetraçs vincidôrs al sarà dade une poie economiche fint a un massim di 100 mil euros par ognidun. “Curts cence confin”, in graciis dal contribût de FVG Film Commission – PromoTurismoFVG, al sosten la promozion dal teritori gurizan e transfrontalîr traviers cinc produzions (di finzion o di animazion) buinis di contâ, cuntune storie inedite e origjinâl, chê tiere di confin midiant i siei valôrs, la sô storie, lis sôs particolaritâts. (A.I.) – 17.04.2024