Al è dut pront par “Open Dialogues for Future”, i doi dîs di dibatiments su la gjeopolitiche e gjeu-economie inmaneâts de Cjamare di Cumierç di Pordenon-Udin inte sede di place Venerio a Udin, in colaborazion cun The European House–Ambrosetti, joibe ai 2 e vinars ai 3 di Març. Stant il numar di adesions, lis iscrizions par lis cunvignis in presince a son stadis sieradis. Par cui che no si fos za iscrit, al sarà dut câs pussibil viodi dutis lis sessions programadis in rêt, in direte streaming sul canâl YouTube de Cjamare di Cumierç, “UP!Economie”, visibil ancje dentri dal sît www.opendialogues.eu/diretta. Ancje Telefriuli e mandarà in direte cualchidun dai apontaments in program e ogni session e sarà metude a disposizion sul canâl tematic “Open Dialogues” di Telefriuli on demand. (A.I.) – 27.02.2023
348
