A Triest e je une situazion esplosive cun 500 migrants che a duarmin par strade e cualchidun al fevele di politichis falimentârs, ma il president de Regjon F-Vj Massimiliano Fedriga al riten che in curt la situazion e larà in miôr e al domande l’intervent de Europe.
“O pensi che in curt a saran ridusudis lis presincis ancje in F-Vj, ma la soluzion no pues stâ dentri dome de distribuzion di cui che al jentre in maniere ilegâl e restâ su lis spalis de Italie. Ancje la Europe e à di movisi par ridusi lis jentradis ilegâls e par redistribuî i migrants, rivalutant ancje i patuliaments adun cu la Libie. Vuê la Europe e à di dâ une rispueste. I hotspot no son une soluzion, ma a son miôr dal acet difondût che al creave problemis. O ai miôr che i migrants a sedin slontanâts de nestre regjon parcè che i numars a son masse alts”. Il sindic di Triest Roberto Dipiazza al à confermât che dal ministri dal Interni Matteo Piantedosi e je rivade la comunicazion che 200 migrants a saran trasferîts in curt intune altre bande. (a.d.g.) – 28.08.23
