“I contribûts pal smaltiment e la rimozion dal amiant fin a vuê ativadis de Regjon a son indreçâts a Comuns, privâts, impresis (ancje sieradis), associazions e parochiis, cuntun stanziament complessîf di 15.675.568 euros. L’obietîf al sarà mantignût previodint un pachet di pôc plui di 9 milions di euros fin al 2025 par sierâ dute la mapadure intal trieni prossim”.
Lu à comunicât vuê te sede de IV Comission dal Consei regjonâl l’assessôr regjonâl ae Difese dal ambient, Energjie e Disvilup sostignibil Fabio Scoccimarro, ilustrant lis ativitâts in cors de bande de Aministrazion regjonâl pe rimozion e il smaltiment dal amiant des cuviertiduris.
L’esponent de Zonte al à visât che za tacant dal Lui 2019 la Regjon e à inviât une campagne di ricognizion dai cuvierts di ciment-amiant, doprant un dron che al fâs imagjins a alte definizion. (a.d.g.) – 16.01.2024
