E je stade aprovade vuê la propueste di leç, presentade di Diego Bernardis (Fedriga Presidente) tant che prin firmatari, in materie di politichis de famee e misuris di sostegn al deventâ gjenitôrs in graciis dal acompagnament te adozion nazionâl di minôrs.
“Chei che a vuelin deventâ gjenitôrs – al à visât Bernardis – a puedin jessi costrets a spietâ une vore di timp cence ve un percors formatîf e di sostegn. Cun cheste propueste o volin dâ aes fameis une oportunitât facoltative par preparâsi, valorizant la esperience dai ents za autorizâts tal setôr des adozions internazionâls”.
La leç e previôt un contribût di 1.000 euros par ognidun, par cjapâ part ai percors inmaneâts dai ents iscrits al regjistri talian, cuntun stanziament di 300 mil euros pai trê agns dal 2026 al 2028. (a.d.g.) – 10.11.2026
