Ancjemò un câs di fraude cuintri di un vieli e ancjemò une operazion ben fate dai carabinîrs, che a àn cjapat cu lis mans tal sac il delincuent.
Si trate di un om di 39 agns rivât a pueste di Caserta, che al è stât arestât îr dai carabinîrs dal Nucli radiomobile di Udin daspò che al veve fraudât une siore di 83 agns. La femine e jere stade clamade al telefon dal fraudadôr e visade di preparâ bêçs e zoiis che a vevin di jessi dâts a un assegnât par vie di une investigazion.
Pôc dopo al veve sunât ae puarte un om, che al veve cjapât su la robe e al jere lât vie daurman. Pecjât che a spietâlu a jerin i carabinîrs che lu àn blocât a colp.
Lis zoiis e 7 mil euros in contants a son stâts tornâts ae vitime, intant che l’om al è lât dret te preson di Udin, a disposizion dai judiçs. (a.d.g.) – 10.11.2026
