Su la fonde des elaborazions dal ufici studi di Confindustria Udine su dâts Unioncamere, al prin di Zenâr dal 2026 a son in vore in provincie di Udin 1.250 impresis de filiere dal len – furniment, par al 58% dal totâl regjonâl, cun 6.650 assegnâts, ecuivalents al 38% dai ocupâts dal compart inte nestre regjon. Il sisteme len – furniment al rapresente une component impuartante dal sisteme produtîf locâl e al pese il 23% dal totâl des impresis de manifature provinciâl.
Chescj numars a confermin la impuartance dal setôr: par lâ insot su lis novitât de ipotesi di acuardi firmade ai 3 di Setembar passât, al è stât inmaneât di Confindustria Udine un incuintri a Palaç Torriani, par vinars ai 13 di Novembar tacant des 9.30 di matine, risiervât aes impresis. L’acuardi pal trieni 2026-2028 al è deventât definitîf daspò dal vie libare des organizazions sindicâls ai 16 di Otubar.
A vierzi l’incuintri a saran Alessandro Fantoni, cjâf grup des Industriis len, mobil e sente di Confindustria Udine, Carlo Piemonte, diretôr gjenerâl di FederlegnoArredo e Andrea Attilio Gava, president de comission nazionâl sindicâl di FederlegnoArredo. (a.d.g.) – 10.11.2026
