9
Presentade vuê tal Salon dal popul dal Comun di Udin le Fondazion Banca di Udine Ets, ent gnûf promovût di Banca Udine Credito Cooperativo cu l’obietîf di da altre fuarce, continuitât e struture al impegn de bancje a pro des comunitâts locâl.
La Fondazion e nas par sostignî e promovi iniziativis di interès gjenerâl midiant di contribûts economics, servizis e progjets siei, intervignint cussì tai ambits che a incidin su la cualitât de vite de int: jutoris sociâi e sanitaris, educazion e oportunitâts pai zovins, valorizazion de culture e de ricercje, tutele dal ambient e promozion dai dirits e de coesion sociâl. (a.d.g.) – 10.11.2026
