128
In F-Vj, la inflazion e mostre un ralentament, compliç ancje un câl lizêr des boletis di energjie e gas. Dopo mês di auments a dople cifre, di fat, intal mês di Zenâr la stime definitive dal indiç dai presits al consum dal Comun di Udin e à regjistrât un plui 0,3% a pet dal Dicembar 2022 e un plui 9,4% a pet dal Zenâr 2022. Intal mês di Dicembar la variazion coniunturâl e jere stade dal plui 0,2%, chê tendenziâl dal plui 10,7%.
L’aument plui grant si è verificât inte categorie Mobilis, articui e servizis pe cjase cun plui 1,4% (tendenziâl plui 8,9%) e Traspuarts cun plui 1,4% (plui 6,9%). Il câl plui fuart si è regjistrât inte categorie Abitazion, aghe, eletricitât e combustibilis cun mancul 4,4% (tendenziâl 30,4%). (A.D.G.) – 22.02.2023
