Ve chi i vincidôrs dal premi pai gjornaliscj di doman

Costanza Oliva, Elvis Zoppolato e Lorella Lombardo a son i vincidôrs de seconde edizion dal Premio Leali Young in memorie di Cristina Visintini. I lavôrs dai trê zovins aspirants gjornaliscj si son distints tra chei dai altris 50 partecipants. La gruesse novitât di chest an e je stade la ripartizion dai elaborâts in trê categoriis: articul su cjarte stampade, podcast o prodots pe rêt e reportage. Lis migrazions e il rispiet dai lôr dirits a son stâts il teme puartant dai trê elaborâts. I vincidôrs a vignaran premiâts martars ai 13 a Roncjis di Monfalcon daurman dopo de inaugurazion de novesime edizion dal Festival dal gjornalisim. (A.I.) – 06.06.2023