Un autôr di fumets (e di cuviertinis)

Te librarie CLUF di Udin in vie Gemona, joibe ai 19 aes 6:30 di dopomisdì, al è in program il secont apontament di “sottoPELLE”, une rassegne dedicade al fumet par cure di Roberto Franco e Riccardo Pasqual, che si fâs ogni tierç joibe dal mês te librarie e e larâ indevant fin al Istât. Il formât al è unic e al è fat di dialics ibrits ator dai fumets. Il secont apontament al è cun Alessandro Baronciani (che si zontarà ae conversazion in colegament), un artist dai libris a fumets, ilustradôr, grafic e musicist, che al à publicât par “La Repubblica XL” e “Rumore”, ma ancje cul editôr BAO Publishing. Di ilustradôr e progjetist grafic, al à creât une vore di cuviertinis di discs, lavorant par Davide Toffolo e i Tre allegri ragazzi morti, Bugo, Baustelle, Sick Tamburo, Prozac+, Raein e Perturbazione. (A.I.) – 18.02.2026