Spirt di vin, ve i vincidôrs

Il dissegnadôr talian Tommaso Gianno cun “Peace and wine”, Pâs e vin, pe categorie dai autôrs cuni plui di 30 agns e l’arabic saudite Ameen Alhabarah cun “Prisoner of the bottle”, Presonîr de butilie par chê sot dai 35 a son i vincidôrs de vincjesim seste edizion di “Spirito di Vino”, Spirt di vin, il concors internazionâl di vignetis satirichis inmaneât dal Moviment dal turisim dal vin dal F-Vj. Plui o mancul tresinte vignetis di dut il mont a son stadis valutadis de prestigjose jurie che si è cjatade a Milan ae fin di Setembar. Il Premi speciâl al è lât al messican Arturo Rosas pe sô opare “Kiss”, bussade. “Il concors – al è stât il coment di Elda Felluga, presidente dal moviment dal turisim dal vin – al conferme la sô mission di meti adun il vin, la culture e la satire suntun palc di sene internazionâl unic, dulà che ogni fumet al è un brindis pe libertât dal pinsîr.” (A.I.) – 24.11.2025