Libertât di stampe e legalitât pe cerce dal ‘Festival dal Gjornalisim’

Spietant di tornâ a tacâ cuntune gnove edizion dal so Festival dal Gjornalisim, la associazion Leali delle Notizie e inmanee la seconde edizion di “Oltre il Festival”, cun dodis apontaments itinerants par rifleti su temis di atualitât e par puartâ indenant la proprie bataie su la legalitât e su la libertât di stampe e di espression intal mont. La rassegne si ten di miercus ai 4 a domenie ai 8 – cuant che e je previodude ancje la inaugurazion de ”Cjaminade de Libertât di Stampe e di Espression” a Roncjis di Monfalcon – cun presentazions di libris e incuintris sul ambient, gjornalisim investigatîf, la evoluzion dal cine in Friûl-Vignesie Julie e une dediche speciâl a Andrea Purgatori. Tra i ospits Marco Girardo, propit di Roncjis, diretôr dal cuotidian “Avvenire”. (A.I.) – 04.10.2023