Gnove mostre te vile De Claricini Dornpacher

Vinars ai 6 une gnove mostre, “Intersezioni e interferenze”, intersezions e interferencis, curade di Carlo Stragapede e Diego Antonio Collovini par Syncretika, a Butinins di Muimans, si scree te vile de Claricini Dornpacher, deventade un dai lûcs di riferiment in regjon pe art. La bondance di oparis a disposizion – passe 80 – e à conseât di meti adun un “dialic” e di dismenteâsi de “cronologjie” doprade une volte. La art dai prins dal Nûfcent e sarà interpretade in trê “episodis” (la forme dal colôr; insium e realtât; l’incjant dal segn), plui un itinerari dut dedicât a zovins e mestris de art furlane. Cussì, dongje dai lavors di Balla, Severini, Morandi, Santomaso, de Chirico, Carrà, Magritte, Guttuso, Zigaina, Ligabue, Boccioni, Vedova, Fontana, Celiberti – par rivâ fint a Picasso, Warhol e Maria Lai, al sarà un spazi par Afro, Mirko, Zigaina, Ciussi, Colò, ma ancje par une schirie di contemporanis e di gnovis propuestis. (A.I.) – 04.11.2026