La zonte dal Comun di Udin e à cressût vuê il contribût economic al Far East Film Festival, che al à di pôc sierât cun grant sucès la ultime edizion in citât. “Daspò dai 25 agns di presince dal festival – al sclarìs l’assessôr ae Culture, Federico Pirone – o vin decidût di cressi il contribût par une des iniziativis plui impuartantis. Il contribût economic al sarà di fat di 100 mil euros invezit dai 80 mil previodûts. O vin di dî graciis ai organizadôrs pal lavôr splendit che a davuelzin intal organizâ il festival plui grant di cine orientâl di Europe”. La zonte e à aprovât ancje la partecipazion de Biblioteche Civiche “V. Joppi” e dal Sisteme bibliotecari dal Friûl al progjet de Regjon Friûl-Vignesie Julie pe promozion de leture pai zovins under 18. (A.I.) – 09.05.2023
Far East Film Festival: plui bêçs dal Comun
159