Tornât a vierzi uficialmentri il fassicul su Unabomber. La decision e je stade cjapade dal Procuradôr de Republiche di Triest, Antonio De Nicolo, che vuê intune cul Procuradôr Sostitût Federico Frezza, al à formulât une domande di incident probatori indreçade al Gip di Triest e finalizade a meti sot investigazion gjenetiche dîs reperts assegnâts al bombarûl che al à semenât il panic intal Nordest intai agns ’90.
I procediments a pontin ae identificazion pussibile dal responsabil – o dai responsabii – traviers comparazions dal Dna e a coventin ae Procure par no intopâsi in cuistions di nulitâto di indoprabilitât.
La Procure e à, duncje, scugnût par necessitât calcolâ “personis sot investigazion” ducj chei che a vevin vistît cheste posizion intal cors dai agns e des variis investigazions, posizions dopo dute archiviadis.
Di là dai nûf za ‘ cognossûts’, al sarà iscrit intal regjistri dai indagâts ancje un decim profîl, su la base di une font che la sô atendibilitât – al riferìs la Procure – e aparìs “problematiche e di verificâ”. (A.D.G.) – 19.01.2023
206
