Dôs personis a son restadis feridis in mût seri cheste matine, pôc dopo lis 8, dopo di un scuintri frontâl tra dôs auto a Pagnà, dilunc de ex provinciâl 49 Osovane, ae altece de crosere cun vie Zorutti.
A son stadis socorudis dai ecuipaçs di dôs ambulancis e une machine di emergjence mediche rivâts di Udin, che lis àn traspuartadis dopo al ospedâl Santa Maria della Misericordia di Udin.
La strade e je restade blocade par plui di une ore intal trat che al zonte Modolêt a Pagnà. Intant che a jerin in cors lis operazions di socors pal scuintri frontâl, di fat, il conducent di un tierç veicul, un furgon che al rivave di Modolêt, viodint dome al ultin lis codis e la viabilitât modificade, nol à rivât a frenâ in timp: il veicul al è lât fûr fûr strade, finint intal fossâl. In maniere fortunade salf l’autotraspuartadôr.
Di là dai sanitaris, sul puest a àn operât pai rilêfs e la gjestion dal trafic i oms de Polizie locâl dai Comuns di Pasian di Prât, Martignà e Pagnà, judâts des Vuardiis dal fûc di Udin. (A.D.G.) – 5.01.2023
