Vuê a buinore il cuestôr di Udin Alfredo D’Agostino e il vicjari Giancarlo Conte a àn dât il benvignût ai 10 gnûfs agjents de Polizie di Stât che a rinfuarçaran l’organic de Cuesture.
Trê di lôr a àn a pene concludût il 218° cors di formazion par arlêfs agjents de Polizie di Stât, intant che chei altris 7, che a son 3 feminis, a son za in servizi e a vegnin di altris sedis. A ducj lôr il cuestôr al à fat i miôr augurs pe gnove esperience professionâl al servizi de comunitât udinese. (A.D.G) – 10.01.2023