Une fantate di plui o mancul 20 agns si è fate mâl dopo di une cjadude su lis pistis di schi a Ravasclêt. Coalnt e à ripuartât un traume cranic e un traume ae muse.
Dopo la clamade di jutori al Nue 112, i infermîrs de Sores a àn inviât sul puest l’ecuipaç di une ambulance di Rigulât e l’elisocors. La zovine e je stade traspuartade in svol al ospedâl Santa Maria della Misericordia di Udin.
Altris doi incidents invezit a son sucedûts su lis pistis di schi di Sapade: in ducj i doi i câs a son lesions no gravis. Sul puest e je stade inviade la ambulance di Rigulât che e à traspuartât dutis e dôs lis personis al ospedâl di Tumieç. (A.D.G.) – 30.12.2022