Forsit une piçule distrazion o magari un animâl salvadi che i à taiât la strade. Al è muart inte gnot tra lunis e martars a pôcs metris di cjase Federico Huisman, 17 agns, 18 di fâ tra pôc. Al jere daûr a tornâ a cjase a Repen, frazion di Monrupin, cuant che a pôcs chilometris dal abitât al à pierdût il control de sô moto, une Ktm comprade a Setembar, colant a tiere. L’asfalt al jere in buinis cundizions e des primis investigazions dai Carabinîrs no risultin cjapâts dentri altris mieçs. Lis feridis a son semeadis subit gravis ai operadôrs dal 118 intervignûts sul puest cuntune machine di emergjence mediche e une ambulance. La corse disperade viers l’ospedâl di Cattinara magari cussì no no je bastade e il zovin al è muart.
Sul puest i Carabinîrs dal comant di Nabresine pai rilêfs e par cirî di capî ce che al sedi sucedût. La moto, cemût che si viôt des imagjins dopo l’incident, no jere distrute, un segnâl che il fantat, apassionât motociclist, nol jere daûr a cori. (A.D.G.) – 27.06.2023
