La Polizie di Stât di Pordenon intes zornadis di miercus ai 3, joibe ai 4 e vinars ai 5 di Zenâr dal 2023 e à fat servizis straordenaris di control dal teritori, cul implei di ecuipaçs dal “Reparto Prevenzione Crimine Veneto” di Padue e di altris ecuipaçs de Cuesture di Pordenon.
La ativitât straordenarie di control dal teritori in ambit provinciâl, che si è zontade a chê sigurade des patuliis dal Ufici Prevenzion Gjenerâl e Socors – “Squadra volante” e je stade fate par contrastâ il spaç di droghis, la imigrazion clandestine e i reâts cuintri il patrimoni, soredut lis robariis in abitazion e intes ativitâts comerciâls.
Intal cors dai servizis, coordenâts dal Dirigjent dal Ufici prevenzion gjenerâl e socors public de Cuesture, metûts in vore a Pordenon e in varis Comuns de provincie (Davian, Sacîl, Purcie, Lavorêt, Cordenons e Flum Venit) a son stadis controladis in dut 146 personis, 79 veicui e 8 esercizis publics
A son stadis intensificadis ancjemò di plui lis ativitâts di prevenzion e control dal teritori intai centris citadins dulà che si davuelzin variis iniziativis in ocasion des fiestis. (A.D.G.) – 5.01.2023