Auto cuintri ciclist intal sotpàs de rotatorie a Pasian di Prât

Une persone e je stade socorude cheste matine pes feridis dopo di un incident stradâl a Pasian di Prât ae altece dal sotpàs de grande rotatorie.

Par causis in cors di aciertament di bande des fuarcis dal ordin, si son dâts cuintri une veture e une bici.

I infermîrs de Sores a àn inviât daurman sul puest l’ecuipaç di une ambulance, rivade di Udin, par curâ il ciclist colât malementri a tiere dopo l’impat.

L’om al è stât traspuartât dopo in codiç zâl al ospedâl Sante Marie de Misericordie di Udin in ambulance. (A.D.G.) -24.02.2023