Al sarà puartât vie ce che al reste dal avion de Alitalia bandonât di passe 20 agns a Roncjis di Monfalcon

Dopo plui di 20 agns ce che al reste dal avion de Alitalia parcât in bande de piste e bandonât daspò di un incident al sarà puartât vie dal Trieste Airport a Roncjis di Monfalcon.

L’avion, un model MD80 clamât “Venezia”, si jere dât cuintri ai 20 di Avrîl dal 2004 cuntun camion intant che al stave lant bande il parc dopo che al veve cjapât tiere. Il dam al jere stât pardabon grant parcè che une ale si jere rote, ma par fortune nissun dai 91 passizîrs si jere fat mâl.

In ducj chescj agns i tecnics de Alitalia a vevin menât vie i tocs ancjemò bogns parcè che riparâlu al costave masse, ma l’avion al jere stât metût in bande par no intrigâ restant in bande ae piste. (a.d.g.) – 08.04.2024