Par dôs seradis, il circuit dal ERT, l’Ent regjonâl teatrâl dal F-Vj, al ospite la FVG Orchestra direte di Paolo Paroni cun “Rinascita”, rinassite, un conciert dut dedicât ae memorie dal taramot e ae fuarce de ricostruzion. L’event al fâs part di “1976 – 2026 La fuarce dai leams”, un program di spetacui, concierts, incuintris e proiezions che l’ERT e à sielzût par vierzi la stagjon 2026/2027 intal cincuantesim aniversari dal taramot. Il conciert al scree la stagjon al Teatri “Modena” di Palme miercus ai 4 e po dopo al sarà presentât tal Teatri “Ristori” di Cividât joibe ai 5. Il program al cjape dentri ancje cualchi toc de opare musicâl “55 seconts”, scrite di Fiorenza Cedolin e di Cristian Carrara par memoreâ l’aniversari dal taramot. (A.I.) – 03.11.2026
Foto di F. Cecconi
