Ultimis datis pes dedichis a Mozart

La zovine violiniste coreane di talent Choi Soojin e sarà la protagoniste di “Mozart e Mozart pai zovins”, il tierç apontament de rassegne “Mozart e dintors”, programade par vinars ai 2 di Otubar tal Auditorium Comunâl di Paulêt. La vincidore dal concors internazionâl dal 2025 “Piccolo violino magico” di S. Vît dal Tiliment e sarà compagnade de orchestre de Academie dai arcs “Arrigoni”, direte di Domenico Mason. Il program, daûr de tradizion, al sarà dedicât dut ae musiche di Wolfgang Amadeus Mozart. La rassegne, inmaneade dal ERT, Ent Regjonâl Teatrâl dal F-Vj, cu la sezion di Udin de “Associazion Mozart Italie” , si siere vinars ai 9 tal TeatrOrsaria di Premariâs cul cuartet Zemlinsky di Praghe che al presentarà “Mozart e Danzi”. (A.I.) – 30.09.2026